Shikshan Sanshodhan : Journal of Arts, Humanities and Social Sciences

কবি লাইশ্রম সমরেন্দ্রগী অঙাংগী শৈরেংদা মীৎয়েং অমা

অঙাংগী সাহিত্য হায়বসি অঙাংখক্তদা মীৎয়েং থমদুনা মখোয়গী ৱাখল মীৎয়েংগা চান্নবা মওংদা ইরকপা মখলগী খূৎই অদুবু খঙনৈ। কবি লাইশ্রম সমরেন্দ্র সাহিত্যগী তোঙান তোঙানবা লমদা খূৎ থারমবত নওনা অঙাংগী সাহিত্যদসু শৈরেং লাইরিক অমা খুদোল তৌবীরম্মী। লাইরিক অসি মহাক্না অঙাংগী ৱাখল্লোন্দা মীৎয়েং থম্লগা অঙাংশিংগীদমক সনা কৈথেলগী লাইফদবী বাই তোনু দেবী মিংথোন্দুনা খৃঃ কুম ১৯৯৯ দা ফোঙখিবনি। মসি শৈরেংগী খূৎইদা লৈজরবসু অপাবশিংদা ৱারী ওইনা লীবনি। লাইরিক অসিদা অইবনা তাঙ্কক মরি থোকনা খায়দোক্তুনা তোনু কৌবী লাইফদবী শাদুনা হিংজবী নুপী অমনা মহাক্কী পুন্সিদা থেংনরিবা থৌদোকশিং অমদি মহাক্কী পূক্লিংদা ফাওখিবা ইহুলশিং ৱারী ওইনা লীদুনা শৈথারকপনি। ৱারীগী তাঙ্ককশিং শৈরেংগী মওংদা ইচম চম্বা অমসুং অতেনবা ৱাহৈ পরেং শীজিন্নদুনা অঙাংশিংদা য়াম্না লায়না মণিপুরগী কলা সংস্কৃতিগী মশক, নিংথৌ পাল্লিঙৈ মতম অমদি লানগী ফিভম উৎতুনা মতম অদুগী সমাজগী মশক অমা অঙাংশিংগী মিৎমাংদা শাগৎলক্নবা হোৎনরকই। অইবনা শাগৎলকলিবা ৱারী অসি লাইধিগী ৱারীদা থমদুনা অঙাংশিংনা করম্না লাইধি শান্নবদা পুন্সিগী শক্লোনবু পানশিনবগে হায়বদু উৎনবা হোৎনৈ।