ਅਬਸਟ੍ਰੈਕਟ:-  ਦਰਸ਼ਨ ਬੁਲੰਦਵੀ ਪੰਜਾਬੀ ਦੇ ਉੱਘੇ ਪਰਵਾਸੀ ਸ਼ਾਇਰਾਂ ਵਿੱਚੋਂ ਹੈ । ਉਸ ਨੇ ਵਿਸ਼ੇਸ਼ ਤੌਰ ਤੇ ਬਰਤਾਨਵੀ ਪੰਜਾਬੀ ਕਵਿਤਾ ਵਿੱਚ ਆਪਣਾ ਨਵੇਕਲਾ ਸਥਾਨ ਬਣਾਇਆ ਹੈ। ਦਰਸ਼ਨ ਬੁਲੰਦਵੀ ਆਪਣੀ ਕਵਿਤਾ ਵਿਚ ਜੀਵਨ ਅਤੇ ਯਥਾਰਥ ਦੇ ਵਿਭਿੰਨ ਪਾਸਾਰਾਂ ਨੂੰ ਨਵੇਲਕੇ ਅੰਦਾਜ਼ ਵਿਚ ਪੇਸ਼ ਕਰਦਾ ਹੈ । ਹੱਥਲੇ ਪਰਚੇ ਵਿਚ ਅਸੀਂ ਦੇਖਾਂਗੇ ਕਿ ਕਿਸ ਤਰ੍ਹਾਂ ਦਰਸ਼ਨ ਬੁਲੰਦਵੀ ਆਪਣੀ ਕਵਿਤਾ ਰਾਹੀਂ ਨਾ ਸਿਰਫ ਆਵਾਸ ਅਤੇ ਪਰਵਾਸ ਦੀ ਅਜੋਕੀ ਦਵੰਦਾਤਮਕ ਸਥਿਤੀ ਨੂੰ ਆਪਣੀ ਬਹੁ-ਆਯਾਮੀ ਕਾਵਿਕ ਸੰਵੇਦਨਾ ਦਾ ਆਧਾਰ ਬਣਾਉਂਦਾ ਹੈ ਸਗੋਂ ਉਸਨੂੰ ਬਖੂਬੀ ਨਜਿੱਠਣ ਦਾ ਜਤਨ ਵੀ ਕਰਦਾ ਹੈ।