Shikshan Sanshodhan : Journal of Arts, Humanities and Social Sciences

এবষ্ট্রেক্ট : ‘অপোকপা লাইনীং’ হায়বসী লাইনীংহন ইবুঙো নাওরিয়া ফুলোনা ইং ১৯৩০ (১৩-০৪-১৯৩০, নোংমাইজিং) দা ‘অপোকপা মরূপ’ লিংখৎলগা মীতৈ মীয়ামগীদমক য়াইফনবা হৌদোকপীখিবা লাইনীং-কাঙলোন অমনি। লাইনীং-কাঙলোন অসীগী মতুং ইন্না তেংবানবা হৌরকপগী, ওইরকপগী ৱাফম ময়েক শেংনা খঙনবা হোৎনবগা লোয়ননা মতৌ করম্না, করি ৱাখলদা লাইনীংগদগে হায়বগী লাইনীংলোন অদু ময়েক শেংনা ঊৎনবা লৌখৎচরিবা টেক্স অসীদা হোৎনরম্বদু ময়েক শেংনা উবা ফংগনি।   লাইনীংহনগী ৱাখল্লোন মতুং ইন্না ‘অপোকপা লাইনীং’ হায়বসী হিন্দু লাইনীং নত্তবা অতোপ্পা তোঙানবা লাইনীং অমা নত্তে। হিন্দু লাইনীংদি ওইরগা মদুগী ভাব – মধুর ভাবতগী দাস্য ভাবতা ওন্থোকপা অসী মরু ওইনা লৌখি। বেঙ্গল অমসুং অসামিস বৈষ্ণবিজমগী পূনশিল্লবা মশক অমদা মীতৈগী ওইনা মৈদিংঙু চীংথংখোম্বা (রাজর্ষি ভাগ্যচন্দ্র)না হৌদোকপীরগা চৎনহল্লম্বা লাইনীংগী মশক অদুদা লাইনীংহননা অসামিস বৈষ্ণবিজমদা মপূং ওইনা মীৎয়েং থম্লগা মীতৈগী ওইনা শেমগৎপা পাম্লম্বনি। লাইনীং অসীদা পোলিথেইজমদগী মোনোথেইজমদা ৱাখল্লোন হোংদোকপা, নন-এসেন্সিয়েলদগী এসেন্সিয়েলদা হোংদোকপা, মূর্ত্তি লাৎপদগী লাত্তবদা হোংদোকপা, থৱায়গী খোঙচৎ নাইবদগী মপূং ওইবা মশাদা শাগোন্নদুনা তিল্লি হায়বা ৱাখল্লোনদা হোংদোকপা, মীরোননা লাইনীং-লাইশোন পাঙথোকপদগী ইশাগী ইরোনদা লাইনীং-লাইশোন পাঙথোকপা অমসুং হিন্দু লাইগী মিংশিং পন্দবনচিংবসী য়াওরি। হিন্দুগী অৱাংবা দর্শনদা য়ূম্ফম ওইবা সাহিত্যগী মচলশিং ওইনা লাইনীংগী অথূপ্পা ৱারোল অমসুং লাইনীংলোনগী থোইহেল্লবা নুংশি-ঈরূশিং অদু য়াম্নমক হৈ-শিংবগা লোয়ননা ফোঙদোক্লম্বা মশক ওইনা উবা ফংগনি।